Ukrainada cebege yaqın bölgelerden vasiylik yapqan büyük aileler içün ilk 14 evni (böyle degen aile türlü bala evi) qurmağa başladılar. Ukraina Prezidentiniñ Ofisi bu aqqında haber berdi.

Olena Zelenskanıñ teşkil etkeni “Balalıq adresi”niñ teşebbüsinen sekiz vilâyette evlerni quralar.

Şu anda Ukrainada 1310 büyük vasiylik yapqan aile bar. Olarda 5 – 10 öksüz ve ana-babanıñ vasiyliginden marum etilgen bala öse. Cenk başlanğan soñ eñ az 80 bu tür aile evsiz qaldı. Olar, Ukrainanıñ daa telükesiz bölgelerine köçtiler, amma mutazam yaşayış yeri yoq.

Büyük vasiylik yapqan aileler içün ayñı evler inklüziv, energiya semereli ve anda abadanlaştırılğan sığınaqlar olacaq.

Halqara donorlarnıñ parasınen “Balalıq adresi” leyhası yerine ketirilir.