“Qatılma ve iştirak etme: cenk vaqtında saqatlı insanlar, gumanitar qarşılıq siyasetiniñ ortasında” forumında vitse baş nazir İrına Vereşçuk iştirak etti.

İştirakçiler saqatlı, vazifeli bozmalarnen ve qart insanlarnıñ içtimaiy qorçalanmasını ve tibbiyet, memuriy hızmetlerge irişimini yahşılaştıruv yollarını, muzakere ettiler. Olar, saqatlı insalarnı gumanitar qarşılıqqa qatılmaq kerekligi qayd ettiler.

Vitse baş nazirniñ sözlerine köre, ayrı destekke ihtiyac duyğan er kes özüni kerekli duymalı.

“Biz, saqatlı insanlarğa yardım etken teşkilâtlarnen işke diqqat celp etmelimiz”, – dep ReNazirliginiñ reberi qayd etti.

Bundan ğayrı, memur halqara teşkilâtlarnı kelecek sene de ealiniñ mezkür zayıf gruppalarına faal şekilde yardım etmege çağırdı.

İrına Vereşçuk, saqatlı insanlarğa yardım etken içtimaiy teşkilâtlarnıñ vekilleriniñ Ukrainada AVM uzurındaki teşkil etilgen Grajdan ealini destek idare merkezlerinde qararlarnı berüv ceryanına qatılmalarını teklif etti.

“Biz, bu tür teşkilâtlarnıñ qatılmalarına yardım etecekmiz. Böylece saqatlı insanlarnıñ qararlarnı azırlav ve kerçekleştirüv ceryanına tesiri olacaq”, – dep memur diqqat celp etti.

“Ukraina halqını destek etmege devam etken ve çağıruvlarğa acelen qarşılıq köstergen halqara ve içtimaiy teşkilâtlarğa teşekkür bildirmege isteyim. Beraber biz, saqatlı insanlarnıñ özlerini qalğan olaraq duymamaları içün mümkün olğan er şey yapacaqmız”, – dep vitse baş nazir hulâsa çıqardı.