“Ukraina. Saba saat beşte” birleşmesi içtimaiy teşkilâtınıñ vekillerinen vitse baş nazir İrına Vereşçuk körüşüv keçirdi.

 

Muzakere mevzusı, sürgün etilgen ve esir etilgen ukrain vatandaşlarını qaytaruv mesleleri oldı.

 

Halqara uquqta vatandaş reinesi kibi bir söz yoq. Bu, olarnı qaytarıv ceryanlarını toqtata. Aynı zamanda tecavuzcı bir devlet, bu cinayet içün mesüliyetten qaçmaq içün olar aqqında bilgilerni gizley.

 

İştirakçiler, devlet akimiyeti organlarınıñ qıdıruv ve vatandaş reinesi olaraq tanına bilgen insanlarnıñ bulunğanları yerlerbni tesbit etüv sistema işlerini azırlamaq kerekligini qayd ettiler.

 

Bunı yapmaq içün tecavuzcı bir devlet tarafından serbestlikten marum etilgen vatandaş reinelerini qorçalav ve qaytaruv saasında devlet siyasetini şekillendirecek ve kerçekleştirecek subyektni tesbit etmek kerek.

 

Bundan ğayrı, esirlikten azat etilgen insanlarnıñ ozğaruvını muzakere ettiler, çünki esir etilgen askerlerge kibi olarğa kompleksli yardım etmek kerek. Ruhiy destek, reabilitatsiya, gumanitar yardım ve ilâhre aqqında laf ettiler.

 

“Er kesni qaytarmalımız. Esir etilgen em askerler, em balalar, em de vatandaşlarnı. Bunı yapmaq içün orta ğayretlerimiznen bu tür algoritmni azırlamalımız”, – dep İrına Vereşçuk hulâsa çıqardı.