Mesken kiralığına para yardımını bermek maqsadınen BMTnıñ qaçaqlar meseleleri Yuqarı komissarlığı idaresinen beraber “Qorçalav aqqı” hayriye fondu, bilgiler toplamağa başladı.

Yarımğa köre, devlet içinde alınğan kişiler ve aileleriniñ mesken kiralığınıñ 6 aylıq fiyatı ödenecek.

2022 senesi kiçik aynıñ 24-ünden soñ köçmege mecbur olğan ve bundan evel halqara teşkilâtlardan mesken kiralığına maqsatlı para yardımını almağan DAK ariza yollaya bilirler.

Bundan ğayrı, programma iştirakçileri, aşağıdaki gruppalardan birine ait olmalılar:

 

– kompaktlı yaşayış yerinde yaşamalılar ve programma bitecek soñ mesken kira etmege azır olmalılar;

 

– çıqarılacaq kompaktlı aşayış yerinde yaşamalılar;

 

– evden çıqaruv/evni ğayıp oluv telükesi astında bulunmalılar ve aşağıdaki zayıflık kriteriylerden birine ait olmalılar;

 

– bundan evel komplaktlı yaşayış yerlerinde yaşamağa istemegen köçken aileler olmalılar ve aşağıdaki zayıflık kriteriylerden birine ait olmalılar;

 

Mecburiy zayıflık kriteriyleri:

 

– ana-babadan birine saip olğan ve 18 yaşından küçük olğan bir ya da bir qaç balanen ya da 55 yaşından büyük qart insanlarnen aile;

 

– başı 55 yaşından büyük yalñız/bir qaç yalñız qart insan ya da 18 yaşından küçük olğan bir ya da bir qaç balanen qart insan olğan aile;

 

– mahsus ihtiyaclarnen bir ya da bir qaç insannen aile;

 

– ozğaruvsız balalarnı vasiylik etken aileler (tasdıqlayıcı vesiqa olmalı).

 

Ariza yollamaq içün bilgilerni toplama noqtasında aileniñ bütün azalarınıñ şahsiy bulunmaları şarttır.

Bağlantıpa basıp, erekli vesiqalar cedveli ve bilgilerni toplama noqtalarınıñ adreslerinen tanış olmaq mümkün.