Ukrainanıñ vaqtınca işğal etilgen topraqlarınıñ reintegratsiya meseleleri nazirligi, “Qırımtatar tilini inkişaf institutı” içtimaiy birleşmesinen işdeşlik ve ortaqlıq memorandumını imzaladı.

Nazirniñ muavini Anatoliy Stelmah ve Birleşmeniñ bası Mustafa Ametov vesiqanı imzaladılar.

Ükümetniñ tasdıqlağanı 2022-2032 senesi Qırımtatar tilini inkişaf strategiyasında tesbit etilgen vazifelerni yapmaq maqsadınen işdeşlik aqqında añlaştılar.

Şu cümleden, qırımtatar tilini saqlamağa ve muntazam şekilde inkişaf ettirmege, onıñ ögretilmesine ve rağbetleşmesine yönelgen orta leyhalar ve programmalarnı yerine ketirüv aqqında laf etemiz.

Hatırlatamız ki, Prezidentniñ Emrini yerine ketirmek içün Qırımtatar Milliy Meclisi, akimiyet organları ve Ukraina Milliy ilimler akademiyasınen beraber ReNazirligi tarafından mezkür Strategiya azırlandı.