Cenk vaziyeti şartlarında bala aqlarını qorçalav mesleleri idare ştabınıñ oturışında bu aqqında laf ettiler. Vitse baş nazir İrına Vereşçuknıñ başlığınen mezkür oturış keçirildi.

Oturışqa İçtimaiy siyaset nazirligi, Tış işleri nazirligi, Kıyiv şeer arbiy memuriyeti, Milliy içtimaiy hızmeti, vilâyet arbiy memuriyetleri ve başqa meraqlanğan taraflarnıñ vekilleri qqatıldılar.

Bundan ğayrı, oturış iştirakçileri, tahliye etilgen statuslı balalarnıñ ecnebiy ülkelerde, şu cümleden İtaliyada, bulunmalarını ve olarnı Ukrainağa qaytaruv imkânını muzakere ettiler.

Vitse baş nazir İrına Vereşçuknıñ sözlerine köre, bu meselege ayrıca diqqat ayırılmalı. Çünki o, bizim devletimizniñ eñ küçük vatandaşlarına bağlıdır.

Oturış iştirakçileri diqqatını celp ettiler ki, birinciden balalarnıñ ailelerge berüv meselesini al etmek kerek. Bütün areketler, ukrain qanunlarına mücibi yapılmalılar ve Milliy içtimaiy servis hızmeti tarafından idare etilmeliler.

Muzakereler neticesinde şu anda ukrain balalarınıñ bulunğanları ülkelerge nezaret ziyaretlerini yapacaq iş gruppasını teşkil etmege teklif ettiler. Birinciden bu, İtaliyağa bağlıdır.