USAID Keçici teşebbüsler ofisi, Prezident Ofisi, Nazirler Kabineti ve Zaporijjâ VAMniñ desteginen Zaporijjâ şeerinde mezkür forum keçirildi.

İştirakçiler reintegratsiya devlet siyaseti, işğalden azat etilgen topraqlarda iqtisadiyatnıñ semereligini arttırmaq ve yañıdan yaratmaq içün halqara işdeşlik mümkünligini muzakere etmege toplandılar.

Tedbirde vitse baş nazir İrına Vereşçuk bir söz ayttı.

“Bizde topraqlarımıznı işğalden azat etüv ve reintegratsiya saasında açıq-aydın adımlar usulı bar. Bizde onı yerine ketirmege meraqlanğan insanlar ve plan bar. Qatılğan ve bizge vaziyetli al etmege yardım etken er keske teşekkür bildirem”, – dep memur qayd etti.