Endi bir senedir İşğalden azat etilgen topraqlar mesleleri idare ştabı çalışa. 2022 senesi berim ayınıñ 10-unda Ükümetniñ qararınen o teşkil etildi. İdare ştabınıñ başı, vitse baş nazir İrına Vereşçuk.

Terkibine 26 merkeziy akimiyet organı ve 6 vilâyet arbiy memuriyetiniñ vekilleri kirsetildi.

İdare ştabınıñ esas vazifesi, işğalden azat etilgen topraqlarda eñ tez tarzda adiy yaşayışnı yaratmaq maqsadınen bütün akimiyet pıtaqlarını idare etmektir.

O zamandan berli İdare ştabınıñ 19 oturışı keçirildi. Şu cümleden Harkiv ve Krıvıy Rih şeerlerinde meobil oturışlar keçirildi.

İdare ştabı, böyle 5 vilâyetniñ işğalden azat etilgen 950 meskün yerinde çalışa: Harkiv, Herson, Mıkolayiv, Donetsk ve Luhansk vilâyetleri.

Ştabnıñ işi çerçivesinde işğalden azat etilgen topraqlarda müim ceryanlarnıñ tüzetilmesi idare etilir. Şu cümleden, energiya, gaz, suv teminatını yañıdan yaratuv, gumanitar yardım, ilâçlar, aşayt mahsulatı ve gigiyena eşyalarını aluv. Bundan ğayrı, diqqat mobil ve poşta bağına, içtimaiy, memuriy ve bank hızmetlerini berüv ceryanlarına ayırılır.

İdare ştabınıñ işi yardımınen halqara teşkilâtlardan maliyeviy destek qullanıldı ve İAETniñ sakinlerine para yardımını ödeme ceryanı tüzetildi. Şu anda vatandaşlarğa umumen 600 million grivna para yardımı berildi.

Bundan ğayrı, duşman tarafından Kahovka GES viran etilgeni içün suvnen basılğan ve zarar körgen Herson ve Mıkolayiv vilâyetleriniñ sakinlerine devletten 5000 grivnalıq ve halqara teşkilâtlardan 6600 grivnalıq yardım ödenir.

Bundan ğayrı, İdare ştabınıñ işi neticesinde qabul etilgen normativ aktlarnen işğalden azat etilgen topraqlarda ve arbiy areketler cemaatında pensiya ve para yardımınıñ alnıması içün qoşma imkânları idare etildi.  

İşğalden azat etilgen topraqlarnıñ ealisiniñ gumanitar ihtiyaclarını temin etmek içün ştabnıñ işi çerçivesinde halqara gumanitar teşkilâtlarnıñ faaliyeti idare etilir, şu cümleden: HMT, BMTnıñ UNHCR, UNICEF, HQHE, UQHT ve başqaları. 

Hatırlatamız ki, işğalden azat etilgen topraqlarnıñ sakinleri suallerinen ReNazirliginiñ sıcaq hattına hitap ete bilirler: 15-48.