«Culture Helps / Культура допомагає» grant programması, Ukrainadaki cenk sebebinden daa telükesiz bölgelerge ya da Kreativ Avropa ülkelerine kömege mecbur olğan insanlarnen çalışqan medeniy teşebbüsler ve teşkilâtlarğa destegini teklif ete. Mezkür programma, medeniyet vastasınen insanlarnıñ yañı cemaatqa integratsiyasına, olarnıñ ruhiy sağlığını destegine yardım etecek.

Bundan ğayrı, leyhalar aileler ve balalar içün faaliyetlerni teklif etmeliler. Teklif etilgen faaliyet vorkşop, orta yaratacılıq ceryanları, tasil leyhaları, sanat teapiyası şeklinde ola bilir.

Kim grant arizasını yollaya bilir:

– Ukrainadaki ya da Kreativ Avropa ülkelerindeki komertsiya olmağan ya da mustaqil teşebbüsler;

– medeniyet vastasınen DAKniñ yañı cemaatqa integratsiyasınen faalca oğraşqan teşkilâtlar ve teşebbüsler.

Beklenilir ki, grantlarnıñ umumiy sayısınıñ 70%-i, Ukrainada, 30%-i ise Kreativ Avropa ülkelerinde üleştirilir.

Grantnıñ asğariy miqdarı 2000 yevro, azamiy miqdarı ise 5000 yevrodır.

2024 senesi saban ayında nevbetteki konkurs olacaq. Er bir konkurs çerçivesinde tahminen 20 leyha destek alacaq.

2023 senesi boş aynıñ 5-ine qadar bağlantığa basıp, forma toldurmaq ve ariza yollamaq mümkün. Mında tafsilâtlıca oquñız.