Bölge idare merkezleri forumı vaqtında vitse baş nazir İrına Vereşçuk bunı bildirdi.

Mezkür tedbir grajdan ealini destek idare merkezleriniñ reberleri, halqara teşkilâtlarnıñ reberleri ve donorlar, içtimaiy ve göñülli teşkilâtlarnıñ vekillerini birinci kere topladı. Umumen Forumğa Ukrainanıñ bütün bölgelerinden tahminen 100 iştirakçi qatıldı.

Tedbir iştirakçileri şuna bir qaç kere diqqat celp ettiler: idare merkezlerini teşkil etmek, doğru ve semereli bir qarar edi. Çünki şu anda çoq vatandaş, Merkezlerniñ bere bilecekleri destekke ihtiyac duya.

Bölge idare merkezleriniñ reberleri 2024 senesi içün iş prioritetleri, Merkezlerniñ faaliyetini mükemmelleştirüvnen bağlı teklifleri, DAK, veteranlar, saqatlı insanlar ve statuslı balalarnen iş ameliyatlarınen paylaştılar.

Aynı zamanda halqara teşkilâtlarnıñ vekilleri, Merkezlerniñ faaliyetini desteknen bağlı maliyeviy ihtiyacları aqqında esabat diñlediler. Bunadn ğayrı, ukrainalılarğa yardımnen bağlı öz tercibesi ve kelecek planlarını añlattılar.

Vitse baş nazir İrına Vereşçuk qayd etti ki, 2024 senesi içün maliyeleştirüv ceryanında halqara donorlarnıñ destegi kerekecek.

“Keçenlerde yapqanıñız er şey içün sizge teşekkür bildirem. Amma biz, yardımıñızğa ihtiyac duyacaqmız”, – dep memur bildirdi ve qoştı ki, bölge idare merkezleribiñ reberleri ve halqara teşkilâtlarnıñ vekilleri arasında doğru şekilde uyğunlaştırılğan işdeşligi soñ derecede müimdir.

Ayrıca qış başlamadan evel bu aktualdir. ReNazirliginiñ reberiniñ sözlerine köre, birinciden qızdıruv mevsiminde vatandaşlarnıñ oñaytlığı ve telükesizligini temin etmek kerek. Bundna başqa, halqara donorlarnı bu qış gumanitar qarşılıqqa ayırılğan paranı azlaştırmamağa rica etti.

Bundan ğayrı, vitse baş nazir içtimaiy ve göñülli teşkilâtlarnıñ destegi içün teşekkür bildirdi ve soñunda şunı qoştı: “İnsanlarğa kerçekten yardım etcek ameliy adımlarğa ihtiyacımız bar, – tek o zaman neticeler olacaqtır”.