Avropa Birligi Şurası, cenkten qaçqan ukrainalılar içün vaqtınca qorçalav müddetini 2025 senesi saban ayınıñ 4-üne qadar uzattı. AB Şurasınıñ saytında bu aqqında haber berdiler.

Şu anda AB ülkelerinde bulunğan mesken qıdırğan 4 million ukraina vatandaşını destek etmek maqsadınen vaqtınca qorçalav müddetini bir senege uzatma qararı berildi.

AB hatırlata ki, vaqtınca qorçalav tedbirleri çerçivesinde Ukrainadan köçken er kesniñ bir qaç aqqı bar. Şu cümleden, yaşayış izni, işke aluv aqqı, tasil aqqı ve tibbiy hızmetler aqqı.