Daa üç bala Ukrainanıñ kontrol etkeni topraqlarğa qaytarmağa becerdiler. Olarnıñ anası, yardım almaq içün Ukrain bala aqları ağına hitap etti. ReNazirligi de qaytaruv ceryanına qatıldı.

Ruslar Hersonğa kirgende 10 yaşındaki Oleksandr, 8 yaşındaki Darına ve 6 yaşındaki Yakovnıñ ana-babaları, anda daa telükesiz olur, dep,  balalarnı qartanağa köyge yolladılar. Birazdan vilâyet merkezi qapattılar, vaqtınca işğal etilgen topraqlarda torunlarınen qartana qaldı.

Hersondan ketkende ruslar, Antonov köprüni patlattılar, balalarnı almağa imkânsız oldı. UKrain bala aqları ağınıñ ğayretleri ve ReNazirliginiñ yardımınen balalar, ana-babasınen birleştiler. Devlet migratsiya hızmetine ayrıca teşekkür bildiremiz.

Keçken afta daa bir aile birleşti. 19 aylıq ayırılıqtan soñ Herson vilâyetiniñ VİETdan ana-babasına 9 yaşındaki Nadiyka ve 14 yaşındaki Mıhaylo qayttılar.

Tolu miqyaslı tecavuz başlamadan evel balalar, qartana ve qartbabağa kettiler. İşğalden soñ köyden Ukraina ükümetiniñ kontrol etkeni topraqlarına yol kesildi.

Bu sene berim ayınıñ başında balalarnı qaytarmaq imkânı peyda oldı. O zaman olarnıñ babası ReNazirligine hitap etti, nazirlik ise Ukrain bala aqları ağını ceryanğa qoştırdı.