Onıñ adı “Bilse – ayt!” ve o, Volodımır Zelenskıynıñ tasdıqlağanı Bring Kids Back UA adlı areketler planı çerçivesinde keçirilir. Ukraina Prezidentiniñ saytında bu bildirildi.

Malümat kampaniyasınıñ maqsadı, rf topraqlarında yaşağan insanlarnı ukrain balalarınıñ mecburiy sürgünligine qarşılıq köstermekniñ ve olarnıñ evlerine qaytarmalarına yardım etmekniñ sebeplerini aytmağa yönelgendir.

Bunıñ içün Ukrainadan rus tilinde laf etken seyircilerge yönelgen FREEDOM telekanalının meynaçıqlarında malümatlı videolar, süjetler, mahsus leyhalar ve rubrikalar yayınlanacaqtır. Olar, ne içün balalarnıñ qanunsız sürgünliginiñ, bizim halqımızğa qarşı genotsid olğanını añlatacaqlar, ruslarğa ve başqa ülkelerniñ vatandaşlarına bu cinayetke qarşılıq köstermege çağıraraq muracaat etecekler.

Bizim balalarımıznıñ hırsızlanması aqqında malümat olsa, elektron forma tolduraraq ya da “Men mındam” Telegram çatına yazaraq Ukrainağa anonim şekilde bu aqqında haber bermek mümkün. Alınacaq bilgiler, uquq qorçalayıcı organlarğa berilecektir.