Rus tecavuzınıñ neticelerinden soñ yañıdan quruv ceryanını tezleştirmek maqsadınen İtaliya, Odesa şeeri ve Odesa vilâyetiniñ yañıdan qurulmasını patronatına alacaq.

Bu, baş nazir Denıs Şmıhalnıñ ve vitse baş nazir – İtaliya tış işleri ve halqara işdeşlik naziri Antonio Tayaninen körüşüvi vaqtında bildirildi.

Körüşüv vaqtında taraflar, Odesa bölgesini yañıdan quruv ceryanındaki ihtiyaclarnı ve Ukrainadaki İtaliya sanayıcıları ve iş insanlarınıñ konfederatsiyasınıñ Vekilliginiñ (Confindustria Italia) işini muzakere ettiler.

Bundan ğayrı, İtaliya ihrac sigortası agentliginiñ (SACE), Odesa vilâyetini yañıdan quruv ceryanına qatılacaq italyan şirketlerine maliyeviy kefaletlerni bermek azırlığını muzakere ettiler.

Aynı zamanda ukrain tarafı, rus tecavuzınen cenkleşken Ukrainanı arbiy, gumanitar ve sanktsiya tarzında muntazam şekilde destek etkenleri içün İtaliyağa ve ükümetine teşekkür bildirdi.