Orta küz ayınıñ 18-inde ukrainalılarğa 15 353 oquv vauçeri berildi. Olardan 3200-ü devlet içinde alınğan kişilerdir (2327 qadın ve 873 erkek).

Vitse baş nazir İrına Vereşçuknıñ başlığınen keçirilgen Müessiselerarası DAKge iş berüv ve ihtisasiy oquv meseleleri oturışında bu aqqında laf ettiler.

Oturış iştirakçileri, oquv vauçerleri programmasını muzakere ettiler. Oña köre tesbit etilgen vatandaşlar, tasil müessiselerinde bedava olaraq oquya bilirler. Şu cümleden, yañıdan azırlav, magistr seviyesini almaq ya da başqa ihtisasta, zenaatta magistr seviyesini almaq içün oquv, ihtisasnı arttıruv ala bilirler.

Şu anda vauçerler vastasınen 124 zenaat ve ihitsas almaq mümkün. Devlet içinde alınğan kişiler arasında eñ populâr ihtisası ruhiyatçılıqtır.

Bundan ğayrı, DAkniñ vauçerler vastatasınen alğanları eñ populâr zenaatlar ve ihtisaslar arasında:

• içtimaiy iş, emşirelik ve mektepten evel tasil;
• avtonaqliyat aydayıcısı;
• qurucılıq ve içtimaiy mündislik;
• agrocılıq;
• elektrik energetika, elektrik tehnika ve elektrik mehanika;
• biznes ve ticaret;
• aşçı.

Vauçer almaq içün devlet içinde alınğan kişiler, iş merkezine hitap ete ya da online ariza yollaya bilirler. Bağlantığa basıp, tafislâtlıca malümat oquñız.