Bu sene Festival, devletniñ mudafaa ve telükesizlik saasındaki leyhalarğa bağışlandı.

Onıñ çerçivesinde Ukraina, Büyük Britaniya, Amerika Qoşma Ştatları, Yaponiya, İsrail, Almaniya, İspaniya, Portugaliya, İsviçreniñ vekilleriniñ iştirakinen “Ukrainanıñ innovatsiya transformatsiyasını milletlerarası destek” halqara forumı keçirildi.

Esas tedbiri, kelecek yatırım ya da grant destegi içün saylana bilecek innovatsiya start-up leyhaları konkursı oldı.

Forumnıñ açılışında vitse baş nazir İrına Vereşçuk ta söz ayttı.

“Çağıruvlarğa innovatsiyalarnen cevap bermelimiz. Devlet, ukrain istisalcıları ve halqara ortaqlarnıñ sinergiyasına ihtiyacımız bar. Mudafaa saasında innovatsiyalarnıñ muntazam çoqlaşmasını temin etmek içün”, – dep memur qayd etti.