Kıyivde Umumiy ukrain DAK Şuraları forumı devam ete. İştirakçiler, DAK Şuralarınıñ faaliyetine dair kelecek planlarnı muzakere etmege ve devlet içinde alınğan kişilerniñ cemaatqa integratsiya ve adaptatsiya algoritmlerini azırlamağa toplandılar.

BMTnıñ QMYK ve IREXniñ desteginen “Stabilization Support Servises” hayriye fondunen işdeşliginde ReNazirliginiñ teşebbüsinen mezkür forum teşkil etildi.

“2022 senesi, çağıruvlarğa qarşılıq kösterüv ve tecribe aluv senesi oldı. Çünki dünyada bu tür qısqa müddette o qadar büyük köçüv yoq edi. 2023 senesi, tecribemizni institutsiya astyapısına yaratanımız senedir”, – dep vitse baş nazir İrına Vereşçuk qayd etti.

Böylece, UNKniñ 2023 senesi arman ayınıñ 4-ündeki 812. qararı, DAK Şuralarınıñ normativ çerçivesi tesbit etildi. Şu anda bütün Ukrainada endi 529 Şura teşkil etildi.

Memur, DAK Şuralarınıñ esas vazifelerini añlattı:

– devlet içinde alınğan kişilerniñ aqları ve menfaatını qorçalamaq;

– DAKniñ yañı cemaatqa adaptatsiyası ve integratsiyasına yardım etmek;

– yerini deñiştirgen biznesni destek etmek;

– DAK içün yañı iş yerlerini yaratmağa yardım etmek;

– norma yaratıcı faaliyette iştirak etmek;

– merkez, bölge ve yerli akimiyetinen işdeşlik yapmaq;

– içtimaiy ve halqara teşkilâtlarnen işdeşlik yapmaq.

“Şuralarnıñ rolü, DAKden akimiyetke keri alâqa idare etmek ve bermektir. DAKni destek işiniñ keyfiyeti ve ihtiyaclar aqqında laf etsek. Cemaatta DAKge dair qararlar, DAK Şuralarınen beraber berilmeliler”, – dep memur qayd etti.

Vitse baş nazir, vilâyet DAK Şuralarınıñ reberlerini DAKniñ aq-uquqlarını kerçekleştirmege temin etüv meseleleri idare ştabına kirsetmege teklif etti. Şu cümleden, bu vekiller, siyasetler ve normativ-uquqiy aktlarnı azırmağa dair tekliflerini İdare ştabına berecekler.

“DAK Şuraları, er kesniñ eşitecegi köçkenlerniñ “sesi” olmalı”, – dep İrına Vereşçuk hulâsa çıqardı.