Ukraina vatandaşlarınıñ VİETdan çıqmalarını temin etüv meseleleri idare ştabınıñ oturışında TİN, böyle isaiyatnı berdi.

2022-2023 seneleri ecnebiy diplomatik müessiseler (EDM), Ukraina vatandaşlarına umumen 19 692 Ukrainağa qaytuv şeadetnamesini berdiler. Olardan 12 263 keçken sene ve 7429 bu sene berdiler.

Şu anda İdare ştabınıñ işi çerçivesinde Ukrainağa qaytuv şeadetnamesini vesiqalaştırğanda EDMniñ vekâletligini kenişletecek deñişmeler azırlanalar. Şu cümleden, video bağı vastasınen arizacınıñ uzaqtan identifikatsiyasını keçirmege imkân berecek.

Ecnebiy ülkelerde vesiqasız olğan vatandaşlarğa Vatanına qaytmağa yardım etmek, İdare ştabınıñ diqqat fokusında qalır.