Tedbirde Ukrainanıñ bütün bölgelerinden eñ az 400 musafir iştirak etti. DAK Şuralarınıñ faaliyetine dair kelecek planlarnı muzakere ettiler ve devlet içinde alınğan kişilerniñ cemaatqa inetgratsiya ve adaptatsiya algoritmlerini azırlay ediler.

BMTnıñ QMYK ve Haqlara ilmiy araştırmalar Şurasınıñ (IREX) desteginen “Stabilization Support Servises” hayriye fondunen işdeşliginde ReNazirliginiñ teşebbüsinen mezkür üç künlik forum teşkil etildi.

Panel munaqaşalarında ükümetçiler, parlamentçiler, Ukraina Yuqarı Şurasınıñ insan aqları vekiliniñ temsilcileri, yerli akimiyet, bölgelerden DAK Şuralarınıñ azaları, hayriye fondlarınıñ reberleri, halqara teşkilâtlarnıñ vekilleri iştirak ettiler.

Vitse baş nazir İrına Vereşçuk, Forumnıñ işini açtı. Birinciden o, tedbirniñ teşkilcilerine ve buna qatılğan ortaqlarğa teşekkür bildirdi.

“Şu anda Ukrainada deyerli 5 million devlet içinde alınğan kişi bar. Köçken insanlarnıñ bü tür sayısı, yekâne bir tecribe ve bütün dünya içün körünmegen bir çağıruvdır”, – dep memur qayd etti.

Tamam bunıñ içün şu anda bölgelerde devlet içinde alınğan kişilerni semereli destek algoritmlerini azırlamaq müimdir. Bu ceryanda tamam DAK Şuraları, müim ve faydalı bir institutsiyadır.

Bugün Ukrainada bütün 25 VAM ve KŞAMniñ uzurında 597 DAK Şurası çalışa. Şu cümleden, 80 rayon ve 492 yerli öz-özüni idare etüv organlarınıñ uzurında çalışa. Olarnıñ rolü, devlet içinde alınğan kişilerniñ aqları ve menfaarını qorçalamaqtır.

Panel munaqaşaları, strategik sessiyalar ve taqdimler vaqtında Forumnıñ iştirakçileri, semereli DAK destek ve integratsiya devlet siyasetiniñ nasıl olmalı olğanını ve devlet içinde alınğan kişiler içün cemaatta hızmetlerni nasıl yahşılaştırmaq mümkün olğanını muzakere ettiler.

Nutuqçılar, DAK Şuralarınıñ umumiy milliy ağını, olarnıñ faaliyetine dair kelecek planlarnı, semereli ve mustaqil faaliyetiniñ teminatını muzakere ettiler.

Forumnıñ işiniñ neticesi, orta rezolütsiya oldı. Tedbirniñ iştirakçileri, onıñ üzerinde endi çalışalar. Yaqın keleceke tafsilâtlıca malümat yayınlanacaq.