Donetsk vilâyetiniñ Volnovaha rayonınıñ Bahatır köyünde Oşçadbanknıñ mobil bölügi çalışmağa başladı. Şu anda o, bu rayondaki çalışqan tek maliyeviy müessisedir, dep devlet bankınıñ sayında bildirildi.

Mıru aralığı, 21 adresinde mobil bölük yerleşe. Çalışma saatleri: Bazarertesi – Cuma künler, 10:00 – 14:30 (teneffüs yoq), raatlıq künleri – Cumaertesi ve Bazar künleri.

Arbiy areketlerden zarar körgen ve cebe sıñırına pek yaqın olğan bölgelerde devlet bankı yañıdan çalışmağa başlay. Şu anda Donetsk vilâyetinde 30 bölügi ve 2 mobil bölügi çalışa.

Bağlantığa basıp, Oşçadbanknıñ çalışqan bölükleriniñ aktual cedvelinen tanış ola bilirsiñiz.