Cenkten zarar körgen ealini destek etmek içün Avropa Eyyeti Ukrainağa 110 million yevrolıq gumanitar yardım ayıra. Avropa eyyetiniñ saytında bu aqqında haber berdiler.

Paranıñ eñ büyük qısmı – 100 million yevro – Ukrainadaki missiyalarğa üleştirilecektir. Ayırılğan para, ABniñ gumanitar ortaqlarına ealige kerekli hızmetler ve yardım vaqtında bermege imkân berecek.

Şu cümleden, para ödemelerini yapmağa, tibbiy ya da ruhiy ve içtimaiy yardım etmege, insanlarnı aş, suv ve evnen temin etmege iman berecek.

Daa 10 million yevro, Moldovağa köçip kelgen ukrain vatandaşlarını destek etmege yollanacaqtır. 

Umumen 2022 senesi kiçik aydan berli Avropa eyyeti, Ukrainadaki cenkten zarar körgen ealige gumanitar yardım programmalarına 843 million yevro ayırdı. Olardan 785 million yevro Ukraina içün ve 58 million yevro Moldovağa köçip kelgen ukrain vatandaşları içün.