Bundan ğayrı vitse baş nazir İrına Vereşçuknıñ başlığınen veteran siyaseti meseleleri oturışında bu aqqında laf ettiler.

Ölgen, esir etilgen ya da habesiz ğayıp olğan askerlerge dair vesiqalarnı azırlamaq içün maqbul malümat almaq maqsadınen rayon ve vilâyet Şekillendirüv ve içtimaiy destek topraq merkezlerine (ŞİDTM) içtimaiy al devlet sicillerine irişim berüv meselesine diqqat celp ettiler.

Bunıñ içün Nazirler Kabinetiniñ 2016 senesi boş aynıñ 30-ındaki ve 2022 senesi kiçik aynıñ 28-indeki 168. qararına deñişmeler leyhası azırlana.

“Devlet sicillerinden malümat alacaq devlet organlarınıñ muayyen cedvelini yazmaq kerke. Bunıñ içün bu tür deñişmelerni pek tez tasdıqlamaq kerek”, – dep vitse baş nazir qayd etti.

Bundan ğayrı, rayon ŞİDTMniñ büyük iş miqdarı sebebinden ölgen qorçalayıcılarnıñ aileleri, vesiqalarnıñ işlenmesini çoq bekleyler.

Bürokratik protseduralar, vesiqalarnı aluv ceryanını toqtata. İrına Vereşçuknıñ sözlerine köre, ŞİDTMniñ işini mükemmelleştirmek ve optimizatsiya etmek kerek. Şu cümleden, hadimlerniñ sayısını arttırıp, bu ceryanlarnı tezleştirmek mümkün.

Aynı zamanda tüzetilgen iş içün elektron vesiqalar arhivini yaratmaq kerek. Böylece, yaqın kelecekte rayon ve vilâyet ŞİDTMde elektron vesiqalar arhiviniñ yaratılması içün yañı iş yerleri peyda olacaq.

Bundan başqa oturışta ŞİDTM ve arbiy qısımlar arasındaki kommunikatsiya meselesini muzakere ettiler. İnsanlar, USQ askeri ölgen (öldürgen) vaqıt bir kerelik para yardımını almaq içün kerekli vesiqalarnı buçuq sene beklemege mecbur qalırlar.

Memur USQniñ Baş ştabına arbiy qısımlar tarafından vesiqalarğa dair cevap vaqtında bermeme vaqialarını işlemege avale etti.