Esirlikten azat etilgen insanlarğa ve esirlikte alâ daa bulunğan insanlarnıñ ailelerine para yardımını ödemek içün devlet bücetiniñ yedek fondundan 180,7 million grivna ayırıldı. ReNazirliginiñ teşebbüsinen maqbul qarar azırlandı ve boş aynıñ 17-sinde Kabinet Nazirleriniñ oturışında tasdıqlandı.

Şu cümleden, vesiqağa köre esir etilgen askerler, vatandaşlar ve siyasiy mabüslerniñ ailelerine aylıq devlet para yardımına 159,7 million grivna ayırılır. O, esirlikte bulunğan er bir sene içün bu 100 biñ grivnalıq yardım ödenir.

Bundan ğayrı daa 21 million grivna, duşman esirliginden azat etilgen insanlarğa bir kerelik 100 biñ grivnalıq devlet para yardımına ayırılır.

ReNazirligi, mezkür insanlarnıñ bank esaplarına para yollar.

ReNazirligi, esirlikten azat etilgen insanlarnı ve esir etilgen insanlarnıñ ailelerini uquqiy ve içtimaiy qorçalavnen bağlı devlet siyasetini yerine ketirmek içün işdeşlik yapqan İqtisadiyat nazirligi ve Maliye nazirligine teşekkür bildire.