İşğalden azat etilgen topraqlarda internet teminatını qaytarmaq içün ReACT4UA/EU4Business programması çerçivesinde Almaniya Ükümetinden yetmiş ukrain telekom şirketi 10 biñ yevrolıq grant ala bilirler. Raqam nazirligi bu aqqında haber berdi.

Kıyiv (Kıyiv şeerinden ğayrı), Çernihiv, Sumı, Harkiv, Donetsk, Herson, Zaporijjâ, Mıkolayiv ve Luhansk vilâyetşerinde çalışqan şirketler iştirak ete bilirler.

Aşağıdaki maqsatlarğa para masraf etmek mümkün:

• ağlarnı yañıdan keçirmek içün cihazlar ve malzemeler;
• elktrik energiya esapları;
• kiralıq;
• ağlarnı tamir etüv masrafları;
• işçilerge aylıq.

Bağlantığa basıp, programmanıñ tafsilâtlarınen tanış olmaq ve iştirak arizasını bermek mümkün. Bitti-keçti vaqtı – 2023 senesi boş aynıñ 30-ına (saat 18:00ge) qadar.

Qoşma malümat almaq içün elkteon poçtağa hitap etiñiz: [email protected]. Mektüpniñ mevzusında «EU4Business Telecom – qoşma sualler» yazmaq kerek.