Mahsus teşkil etilgen operativ iş gruppası (OTF) bunı yapacaq, dep Avropolnıñ resmiy saytında bildirildi.

Onıñ maqsadı – mümkün olğan cinayetler, insaniyetke qarşı cinayetler ya da genotsid cinayetlerine ait olğan insanlarnı identifikatsiya etmek ve şübelemektir. Açıq menbalardan malümat toplap, onı talil eterek identifikatsiya etecek.

Qayd etildi ki, internette, şu cümleden, içtimaiy ağlarda, bu tür bilgiler çoqtır. Olar, taqiqatçılarğa pek yardım ete bilir. Bu yönelişteki halqara işdeşlik qıymetlendirilmez.

Felemenk ve Almaniya politsiyasınıñ halqara cinayetlernen küreş bölükleri, gruppanıñ başı olacaq.

Umumen leyhada 14 ülke iştirak ete: Belçika, Frenkistan, Almaniya, İrlandiya, İtaliya, Litvaniya, Felemenk, Portugaliya, Slovakiya, Sloveniya, İspaniya, Norvegiya, Büyük Britaniya ve AQŞ.