Bugün Doneysl vilâyetinde Oşçadbanknıñ 33 bölügi bank hızmetlerini bere. Şu cümleden Svâtohirsk şeerinde ve Volnovaha rayonınıñ Bağatır qasabasında 2 mobil bölügi çalışa. Donetsk vilâyet arbiy memuriyeti bu aqqında haber berdi.

Bundan başqa, Donetsk vilâyetinde eñ az 90 ATM ve 30 ödeye bilecek terminal çalışa.

Aynı zamanda vilâyette sistema-müim bankları ağınıñ filiallarınıñ 16 bölügi çalışa. Ukraina Milliy bankı olarnı açtı.

Blackout vaqtında böyle müessiseler, bütün bank hızmetlerini bere bilir. Bu bölükler generatorlar, mahsus alâqa kanalları, qızdıruv ve içilir suv noqtalarınen abadanlaştırıldı.