Ukrainanıñ telükeli bölgelerinden tahliye trenleri ve avtobuslarınen köçken insanlarğa maliyeviy yardım ödemek içün keçken ay ReNazirligi 8,4 million grivna üleştirdi. 

Tahliye etilgen insanlarnıñ kelgenleri stantsiyalarda devletten alğanları bir kerelik maliyeviy yardım aqqında laf etemiz. Şu cümleden, yetişkenlerge 2 biñ grivna, balalar ve saqatlı insanlarğa ise 3 biñ grivna ödenir.

Hatırlatamız ki, tahliye bedava olaraq keçirilir. Evelden yazılmaq içün yerli akimiyet organların hitap etmek kerek.

Bundan ğayrı, ReNazirliginiñ 24 saat işlegen sıcaq hattına tahliye istegini bildirmek mümkün: 15-48. WhatsApp/Telegram/Viber messengerlerine de beyanat yazıp yollaya bilirsiñiz: (096) 078-84-33.