İlk qış ayınıñ başında Harkiv VAM, ilk olaraq odun yaqarlığınen temin olunacaq 21 prioritetli cemiyetni sayladı. Umumen bu cemiyette 18 046 zayıf ev hocalığı bar.

Harkiv vilâyetiniñ cebege yaqın topraqlarındaki cemiyetni odun yaqarlığınen temin etüv meselesi, ilk qış ayının 6-sında vitse baş nazir İrına Vereşçuknıñ başlığınen keçirilgen mahsus oturışnıñ mevzusı oldı.

Muzakereler vaqtında halqara gumanitar operatorlar, 15 628 ev hocalığınıñ qattı yaqarlıqqa ihtiyacını qanaatlendirmek azırlığını tasdıqladılar.

Şu cümleden, çeşit-türlü qattı yaqarlıq: odun yaqarlığı, kömür, briketler, odun ve ilâhre aqqında laf etemiz. Bundan ğayrı, keş-destek şeklinde yardım ödemesi aqqında laf etemiz.

Yerli bücetlerden ayırılacaq para vastasınen daa 2149 ev hocalığınıñ ihtiyacları qanaatlenecektir.

Şu anda Harkiv vilâyetiniñ cebege yaqın rayonlarından ekinci nevbetteki altı topraq cemiyetiniñ yaqarlıqqa ihtiyacını qanaatlendirmege çalışalar.