2023 senesi bozarğan ayda Harkiv vilâyet arbiy memuriyeti, Vatandaşlarnı destek idare merkezini teşkil etti. Vilâyetniñ 46 topraq cemaatında böyle merkezler çalışa.
Altı ay devamında İdare merkezi aşağıdaki insanlarğa yardım etti:
– 104 biñ DAK;
– 4 biñ saqatlı insan;
– ölgen cenk veteranları, qorçalayıcılarnıñ aileleriniñ 3 biñ azası;
– 1100 cenk veteranı ve asker.
Harkiv VAMniñ uzurında “Nasılsıñ?” Umumiy ukrain ruhiy sağlıq programması meseleleri iş gruppası çalışa. 4 şeer topraq cemiyetinde 5 çoq saalı mobil taqım çalışa. Olar, arbiy areketlerden zarar körgen insanlarğa içtimaiy ve ruhiy yardım eteler.
Bundan ğayrı, ruhiyatçılar ve içtimaiy mütehassıslar oquylar. Böylece boş ayda Harkiv vilâyet içtimaiy hızmetler merkezi esasında ruhiy yardım ve ruhiy-içtimaiy destek mesekekeri ihtisasiy derecelerni arttırmaq içün Oquv-usuliyet merkezi teşkil etildi.
Şu anda vilâyette DAK içün içtimaiy sıcaq hat azırlana. O, devlet içinde alınğan kişilerge yardım etmege yönelecektir. Şu cümleden, yañı yerge adaptatsiya meselelerinde.
DAK ve rfnıñ silâlı tecavuzından zarar körgen başqa insanlar ne yerge hitap ete bilirler:
- Harkiv VAM ealini qorçalav departamentiniñ DAKni içtimaiy qorçalav meseleleri sıcaq hattı: (066) 283-41-43.
- Elektron poçta: [email protected].
- Vilâyetniñ telükesiz cemaatından tahliye içün: 0 800 339 291.
- Harkiv vilâyetinde Ukraina devlet migratsiya hızmetiniñ Baş idaresinden memuriy hızmetler aluvnen bağlı suallernen şu nomerağa hitap etmek mümkün: (057) 705-52-80.
Hatırlatamız ki, ReNazirliginiñ teşebbüsinen er bir VAMniñ uzurında İdare merkezileri çalışa. Olarnıñ faaliyeti zarar körgen eali, DAK, veteranlar ve aileleriniñ azaları, balalaar qart insanlarğa yardım ve destek etmege yönelgendir.