Şu vaqıt devamında ukrain askerleri, Donetsk vilâyetiniñ 50 meskün yerini azat ettiler. Şu cümleden, Lıman ve Svâtohirsk kibi büyük şeerlerni azat ettiler.

Şu anda işğalden azat etilgen topraqlarda eñ az 11 biñ insan yaşay.

Topraqlar işğalden azat etilgen soñ esas vazife, sakinlerine normal yaşayış temin etmektir. Bunıñ içün kritik ve içtimaiy astyapınıñ işini başlatmağa çalışalar.

Gumanitar yardım

Yerli sakinlerine eñ az 200 biñ aşayt ve eñ az 45 biñ gigyena eşya berildi.

Elektrik, gaz teminatı

Vilâyetniñ işğalden azat etilgen meskün yerlerinde elektrik ve gaz teminatını qaytarmağa çalışalar. Şu cümleden, Lıman şeerinde 7,7 biñ insanğa elektrik teminatını qaytardılar. Gaz teminatı üzerinde tamir işleri bitecek soñ abuneciler bağlanacaqlar.

Mobil alâqa ve internet

23 meskün yerde internet ve alâqağa irişim qaytarıldı.

Maliyeviy müessiseler

Banklarnıñ üç bölegi açıldı. Bundan ğayrı, yedi ATM çalışa. Donetsk vilâyetiniñ meskün yerlerine devlet bankınıñ mobil bölügi de kete.

Poçta 

Eki muntazam bölük çalışa. Bundan ğayrı, mahsus çalışma saatlerinde mobil poçta noqtaları çalışa.

Hatırlataqmız ki, İşğalden azat etilgen topraqlar meseleleri idare ştabı, İAETnen bağlı ceryanlarnı idare ete.