Tahminen bir ay evel Mariupol ihtisasiy qurucılıq koleciniñ müdiri Anton Bilay ReNazirligine hitap etti. O, VİETdan 17 yaşındaki Mıhaylonı alıp Ukrainanıñ kontrol etilgen topraqlarına qaytarmağa rica etti.

Anton Bilayniñ tecribesi bar – keçenlerde serbest Ukrainanıñ kontrol etilgen topraqlaraına kolecde oquğan eki öksüz studentni ketirmege becerdi. Özü içün telükege baqmadan o, vaqtınca işğal etilgen Donetske şahsen ketti.

Bu sefer ise daa bir oğlannıñ bulunğanı yerni ögrenip, ReNazirligi ve “Ukrain bala aqları ağı” cemaat birleşmesine hitap etmege qarar berdi.

Mıhaylo qaytarmaq içün tahminen bir ay kerek edi. Şu anda o Hmelnıtskıy şeerinde. Anda onıñ qız qardaşı yaşa. Onıñ hayali yerine ketirildi, çünki oğlan yetişken ayatını tamam serbest Ukrainada başlamağa hayal ete edi.

ReNazirligi, ukrain balalarını qaytarğan “Ukraina bala aqları ağı” CBniñ idaresiniñ başı Darya Kasyanovağa ve Mariupol ihtisasiy qurucılıq koleciniñ müdiri Anton Bilayğa teşekkür bildire. Bu hayriye işine qatılğan er kesniñ insaniyetligi, cesareti ve özüni bermesi içün teşekkür bildire. 

Ortağı ReNazirligi olğan “Evge yol” leyhası vastasınen Mıhaylo evge qaytaıldı. Bu leyha, rusiyeden ve VİETdan balalarnı qıdırmağa ve qaytarmağa, balaları ana-babasız işğal astında olğan ailelerni birleştirmege yönelgendir.

Hatırlatamız: vaqtınca işğal etilgen ya da rf topraqlarına balalarnıñ qanunsız tahliyesiniñ şaatı olsañız, ReNazirliginiñ profil mütehassısı Nataliya Yemetske mıtlaqa haber beriñiz: (050) 562-03-13. Bundan ğayrı, Milliy malümat bürosınıñ sıcaq hattına telefon etmek mümkün: 16-48.