Vesiqanıñ adı “Ukrainanıñ vaqtınca işğal etilgen topraqlarında, ayrıca Qırım Muhtar Cumhuriyeti ve Aqyar şeerinde, insan aqlarınen bağlı vaziyet”. Ükümet portalı bu aqqında haber berdi.

Evelki vesiqalardan farqlı olaraq, bu rezolütsiya bütün işğal etilgen topraqlarğa bağlıdır. Ve o, BMTnıñ ve halqara cemaatnıñ diqqatını VİETda işğal akimiyetniñ cinayetlerine daa bir kere celp etmeli.

Vesiqa, rusiyeniñ insan aqları ve halqara uquq saasındaki halqara uquq qaidelerini ihmal etmesi, ukrainalılarnıñ qanunsız tevqif olunması ve VİET sakinlerine qarşı ayırımını takbih ete.

Baş Assambleyası, rusiye federatsiyasını ukrain balalarınıñ qanunsız sürgün etilmesini bitirmege ve bu tür balalar aqqında cevapkâr BMTnıñ agentliklerine ve halqara teşkilâtlarğa bilgi bermege çağıra. Bundan başqa, raketalar ve uçucısız aletlerniñ içtimaiy astyapına ateşlerini takbih ete.

Mezkür rezolütsiyanen BMTnıñ Baş Assambleyası, Ukrainanıñ halqara olaraq tanınğan sıñırlarını tanıdı, ukrain topraqlarınıñ statusınıñ deñişmesini ve er bir saylavlarnıñ neticelerini tanımay.