Ukrainada devlet teşkilâtlarınıñ cenkten zarar körgen insanlarğa uquqiy yardım etmek qabiliyetini arttırmağa yönelgen grant konkursı başlatıla.

Avropa Şurasınıñ “Ukrainadaki cenkten zarar körgen insanlarnıñ aqlarını qorçalayıcı makeme ve makemeden tış vastalarını quvetleştirmesi” leyhası çerçivesinde mezkür teşebüs yerine ketirile. Teşkilcilerniñ saytında bu malümat bildirildi.

Konkursnıñ neticesine köre azamiy şekilde 25 biñ yevrolıq 4 grant berilecek. 2024 senesi saban ayınıñ 1-inden başlap berim ayınıñ 30-ına qadar leyha yerine ketirilecek. 

Programmada iştirak etmek içün [email protected] elektron poçtasına Word, Excel та PDF şeklinde vesiqalarnen toldurılğan ve imzalanğan ariza formasını yollamaq kerek. Elektron mektüpniñ mevzusında «Grants 2024» yazılmalı.

Ariza bermek içün soñ tarih 2024 senesi qara qış ayınıñ 15-i.

Bağlantığa basıp, konkursnıñ şartlarınen ve leyha tekliflerine talaplarnen tafsilâtlıca tanış olmaq mümkün.