Bugün tolu miqyaslı tecavuz devrinde eñ büyük cenk esirleri deñişmesi keçirildi. Böylece, 224 asker ve 6 tınç yaşağan vatandaş qaytarıldı. Esirlikten azat etilgenler arasınfa 225 erkek ve 5 qadın bar.

Şu cümleden esirlikten milliy gvardiyanıñ 55 askeri, Ukraina Silâlı Quvetleriniñ 130 askeri (şu cümleden, 14 topraq mudafaacısı ve Ukraina Arbiy-deñiz quvetleriniñ 14 askeri),  38 sıñırcı ve Milliy politsiyanıñ 1 vekili qaytarıldı.

Qaytarılğan insanlar arasında resmiy esir etilgen asker statusına saip olğan (182 insan) ve “qıdırılğan insan” statusına saip olğan (48 mudafaacı) ukrainalılar da bar edi. Halqara Qırımızı Haç Eyyeti, olarnıñ statusını tasdıqladı. 

Volodımır Zelenskıy Ukraina Prezidentiniñ emrinen ve Prezident Ofisi, UMNniñ Bİİ, UTH, İİN, ReNazirligi ve başqa müessiselerniñ orta ğayretlerinen esir etilgen insanlarnı deñiştirip qaytardılar.

Adetince Milliy malümat bürosı, azat etilgen mudafaacılarnıñ içtimaiy qorçalanmasını ve ilk yardımnı temin etti: urba, ayaqqabı, gigyena eşyaları ve cep telefonı.

Bundan ğayrı, Milliy malümat bürosı, azat etilgen mudafaacılarnıñ içtimaiy qorçalanmasını ve ilk yardımnı temin ete: yaqınlarınen telefon alâqası (sim-kart), şahsiy vesiqalar ve bank kartlarını yañıdan vesiqalaştıruv, tibbiy yardım, uquqiy yardım v.b. Em de devletten 100 biñ grivnalıq bir kerelik para yardımını almaq içün olarğa ozğaruv temin ete.