“Rada” telekanalına eksklüziv intervyu bergende vitse baş nazir İrına Vereşçuk, ukrain balalarınıñ Ukrainanıñ kontrol etkeni topraqlarğa qaytarmaq imkânını böylece tefsir etti.

O, ayrıca Sumı vilâyetindeki “Kolotılivka – Pokrovka” keçit noqtasından muvafaqiyetli sıñır keçişlerinden misaller ketirdi. Onıñ 5 aylıq çalışması sırasında tahminen 2 biñ bala Ukrainağa qayttı. Olar arasında em statuslı balalar, em de 18 yaşına yetken balalar bar edi.

Vitse baş nazir qayd etti ki, bu işniñ ilk şeyi, öz istegi edi. O, 18 yaşındaki Bohdan Yermohinniñ muvafaqiyetli qaytmasını misal olaraq ketirdi.

Rus mebusları oğlanğa mania olmağa tırıştılar ve ordusına mobilizatsiya etmege bile qorquttılar. Amma o, Ukrainada yaşamağa ıntıldı ve öz maqsadına irişti.

“Ne qadar çoq malümat bersel, farqlı mehanizmlerni qullanmaq o qadar qolay olur. Şu cümleden, keniş halqara ve cemaat rezonansı sebebinden. Ve eger balanıñ tam olaraq qayda olğanını bilsek, bu tek vaqıt ve ğayret meselesidir. Amma onı mıtlaqa qaytaracaqmız”, – dep İrına Vereşçuk hulâsa çıqardı.