Bugün qara qış ayınıñ 15-inde Jenevrede Birleşken Milletler Teşkilâtı ve ortaqları, Ukrainada cenkten zarar körgen cemaat, devlet içinde alınğan kişilerni destek etmek içün donorlarnı 2024 senesi 4,2 milliard dollar ayırmağa rica ettiler.

Taqdim etilgen Plannıñ maqsadı, Ukrainada 8,5 million vatandaşqa yardım etmektir. Bunı yapmaq içün 3,1 milliard dollar kerek. BMTnıñ gumanitar meseleler idaresi (OCHA) bu mesele al ete.

BTMnıñ Qaçaqlar meseleleri agentligi (UNCHR), Vatanını vaqtınca terk etken daa 2,3 million ukrain vatandaşına dair Bölge qarşılıq planını idare ete. Onı yerine ketirmek içün daa 1,1 milliard grivna kerek.

Umumen BMTnıñ Planına köre, Ukrainada ve avropa bölgesinde yardımğa eñ çoq ihtiyac duyğan tahminen 10,8 million ukrain vatandaşını destek etecekler.

“Yüzlerce biñ bala cebege yaqın topraqlarda yaşaylar, yaralanalar ve öz esas ihtiyaclarını qanaatlendiremezler. Tek buña köre Ukrainağa daa çoq gumanitar yardım bermek içün mümkün olğan er şey yapmalımız”, – dep BMTnıñ gumanitar meseleler baş kâtibiniñ muavini vr BMTnıñ fevqulâde yardım idarecisi Martin Griffits ayttı.

“Ukrain vatandaşlarını qabul etken ülkeler olarnı qorçalamağa ve olarnı cemaatqa integratsiya etmege devam eteler, amma olarnıñ çoqusınıñ alâ daa yardımğa ihtiyacı bar. Olar ecnebiy ülkelerde yaqasınıñ eki ucunı zornen bir yerge ketirgenleri sebebinden qaytmaq kerekligine dair tesir duymamalılar. Ev qıdırğa er kesken yardım etmek, vaziyet yahşılaşacaq vaqıt olarnı qayacaqlarına azırlamaq içün olarğa öz istidatlarını qullanmağa ve inkişaf etmege ikmân bermek kerek”, – dep BMTnıñ qaçaqlar meseleleri yuqarı komissarı Filippo Grandi qayd etti.

“Şu anda tutqanımız gumanitar cebemiz, soñ derecede müimdir. Uzun devamlı cenk şartlarında ise o, prioritetlidir. Bizim devlet içinde alınğan kişilerimiz ve cenkten qaçaraq ecnebiy ülkelerge ketken insanlarımıznı destek etmege devam etmelimiz. Ve 2024 senesi gumanitar planğa çoq ümüt etemiz”, – dep vitse baş nazir İrına Vereşçuk qayd etti.