Jeluşevsk bölge inkişafı agentligi Lviv vilâyetine 37 generator, 50 elektrik qızdırıcı, 10 defibrilâtor, taktik fenerler, motopompalar, termoaktiv urba ve dronlarnı berdi.

Yardımnıñ umumiy fiyatı 5,6 million grivnadır, dep Lviv vilâyet arbiy memuriyeti haber berdi.

2014-2020 Lehistan-Ukraina transsıñır işdeşligi programması çerçivesinde “Pidkarpatı ukrain teşebbüslerini destek inkubatorı” leyhasınıñ yerine ketirilmesnen yardım berildi.

Lviv vilyetindeki hastahaneler, mektepler, litseyler ve başqa müessiseler generatorlar ve qızdırıcılarnı aldılar. Vilâyet acele tibbiy yardım ve felâket tibbiyeti merkezine defibrilâtorlar ve tibbiy arqa çantalarını yolladılar.

Arbiy areketler zonasına arbiy aletlerni yolladılar. Şu cümleden Harkiv, Zaporijjâ, Kramtorsk ve Avdiyivka yönelişlerine.