Vitse baş nazir İrına Vereşçuknıñ başlığınen İşğalden azat etilgen topraqlar meseleleri idare ştabınıñ oturışında bu aqqında laf ettiler.

Herson VAMniñ vekiliniñ bildirgenine köre, şu anda vilâyetniñ işğalden azat etilgen toprağında PrıvatBanknıñ 7 statsionar bölügi çalışa. Olardan 3-ünde qorçalayıcı odalar bar.

Vilâyet bücetinden para, bu sene kiçik aynıñ ortasında qurulacaq daa 2 sığınaqqa ayırılacaq.

Bundan ğayrı, “PrıvatBank” ATnıñ reberliginen añlaştılar ki, banknıñ parasınen daa 2 sığınaq qurulacaq. Kelecek aynıñ soñuna qadar olarnı qurmağa planlaştıralar.

Böylece, kiçik aynıñ soñuna qadar Herson vilâyetiniñ işğalden azat etilgen rayonlarındaki PrıvatBanknıñ bütün bölüklerinde sığınaqlar olacaq.

“Ava telükesi vaqtında banknıñ işçileri ve müşterileri, telükesiz bir yerde olmalılar. Bunıñ içün bu mesele çezmege qatılğan er keske açıq göñlümden teşekkür bildirem”, – dep vitse baş nazir qayd etti.