Harkiv vilâyetiniñ telükeli zonalarınıñ sakinleri bedava tahliye ola bileler. Bunı yapmaq içün sıcaq hatqa telefon etip, hitap etmek kerek: 0 800 339 291.

Hitap vaqtında tafsilâtlı talimat berilecek: nasıl, ne vaqıt ve qayda tahliye olacaq.

Qayd etemiz ki, mahsus abadanlaştırılğan naqliyat az mobil olğan insanlarnı ala.

Tahliye etilgenlerni toplap, Harkiv şeerindeki tahliye noqtasına alıp keteler. Anda olarnı qayd eteler ve meskennen bağlı malümat bereler. Bundan ğayrı, vilâyetten ketmege planlaştıracaq insanlarğa mesleat bereler.

Bundan başqa, noqtağa kelecek soñ insanlar gumanitar, ruhiy ve tibbiyden evelki yardım ala bilirler.

Hatırlatamız ki, ReNazilginiñ 24 saat işlegen sıcaq hattına: 15-48 tahliye istegini bildirmek mümkün. WhatsApp/Telegram/Viber kibi messencerler vastasınen de beyanat yazıp yollamaq mümkün: (096) 078-84-33.