Lutsk şeer şurasınıñ ğayretlerinen, BMTnıñ Bala fondunıñ (UNICEF) maliyeviy yardımınen mezkür boşluq açıldı. Lutsk şeer şurası bu aqqında haber berdi.

“Balalar içün boşluq”ta 6 – 12 yaşındaki balalar öz istidatlarını inkişaf etecekler.

Saqatlı ve cenkten zarar körgen balalarnı, mütehassıslarnen mahsus derslerge davet etecekler. Bundan ğayrı, olarnı ruhiy destek ve içtimaiy ozğruvnen temin etecekler.

Boşluqta aşağıdaki hızmetler almaq mümkün:

• mesleat buhran telefonı;
• menfaat temsili;
• içtimaiy profilaktika ve ozğaruv;
• saqatlı balalar içün kün gruppası (mütehassısnen 3 saat);
• naqliyat hızmetleri ve ilâhre.

Boşluq, Bazarertesi – Cuma künleri 09:00 – 18:00 (13:00 – 14:00 üylelik teneffüsi) çalışa: Lutsk ş., Lesâ Ukrainka sq., 65.

Meslet içün telefon nomerası: (067) 315-92-56.