Dnipropetrovsk, Harkiv vilâyetlerinden ve Kıyiv şeerinden bedava uquqiy yardım (BUY) etüv sistemasına eñ çoq hitap yollandı. BUYnıñ saytında bu aqqında haber berdiler.
Suallerniñ çoqusı, uquqiy manalı vaqialarnı tanıma, evlilik, bala içün nefaqa ve ilâhre ile bağlı edi.
Devlet içinde alınğan kişiler, BUY sistemasından er bir uquqiy hızmetni bedava ala bilirler. Çalışma künleri 08:00 – 18:00 mütehassıslar yardım eteler.
Uquqçıdan mesleat almaqnıñ eñ tez usulı, alâqa merkezine telefon etmektir:
- Ukrainada cep ya da ev telefonları içün: 0 800 213 103 (bedava).
- Ecnebiy ülkeler içün: +38 (044) 363-10-41 (böyle lafnıñ fiyatı, siziñ alâqa operatorınıñ tariflerine köre).
Uquqçılarnen yazı şekilde subet etmek içün:
- şahsiy Telegram çatı “Bedava uquqiy yardım (mesleatlar)”;
- BUY sistemasınıñ Facebook Messenger saifesi;
- BUY sistemasınıñ Instagram saifesi.
Bundan ğayrı, online haritada tapa bilecegiñiz sizge eñ yaqın uquq bürosına hitap ete bilesiñiz.
Bağlantığa basıp, tafsilâtlıca ögrene bilesiñiz.