Vitse baş nazir İrına Vereşçuknıñ başlığınen keçirilgen mahsus oturışta bu aqqında laf ettiler.

Mezkür vilâyetlerde odunnen teminat menbası yerli büdetlerden para ve halqara teşkilâtlarnıñ yardımıdır.

Harkiv vilâyeti

Kiçik aynıñ ortasında Harkiv vilâyetiniñ 54 cemaatındaki 30 581 ev hocalığınıñ yaqarlı odunğa ihtiyacı bar. Olardan 27 186-sı endi yardım aldı. Bu, umumiy ihtiyacnıñ 89%-idir.

Herson vilâyeti

Soñ bilgilerge köre, Herson vilâyetiniñ sağ yalısınıñ 18 cemaatınıñ 18 634 ev hocalığınıñ yaraqlı odunğa ihtiyacı bar. Şu anda halqara teşkilâtlar, 19 585 ev hocalığınıñ ihtiyacını qanaatlendire bilecegini tasdıqladı.

Sumı vilâyeti

Sumı VAM, yardımğa ihtiyac duyğan 72 487 ev hocalığını tesbit etti. Şu anda 43 687 ev hocalığını vastasız yaqarlı odunnen ya da onı alması içün paranen temin ettiler. Yani bu, kerekli miqdarnıñ 60%-idir.

Bazı cemaatlarnıñ ihtiyacını tezce qanaatlendirmek içün halqara ortaqlar, odun yardımı yerine maliyeviy yardım etecekler.

Vitse baş nazi, semereli iş içün er keske teşekkür bildirdi. Bundan ğayrı o, yerli akimiyet organları ve donorlarnı vatandaşlarğa yardım etüv tezligini çabikleştirmege çağırdı.