ReNazirligi, Qırımda duşman işğaline qarşılıq köstergen Ukraina vatandaşlarınıñ ikâyelerini yayınlamağa devam ete.
2021 senesi işğal etilgen Qırımda işğalciler, qırımtatar faalcileri Asan ve Aziz Ahtemovnı qanunsız olaraq tuttılar. Bundan evek olarnıñ evlerini tinttiler, olarnı tutıp belli olmağan yerge alıp kettiler. Anda olarğa bedeniy ve ruhiy basım ettiler.
Birazdan duşmanlar Asan ve Aziz Ahtemovnı diversiya, patlayıcı malzemelerni qanunsız almağa, bermege, satmağa, saqlamağa ve ketirmege ve sanki patlayıcı aletlerni satmağa qanunsız olaraq qabaatladılar. Bu, ükümlerniñ sebebi oldı: Asan Ahtemovnı 15 senege, Azizni ise 13 senege maküm ettiler.
İşğal akimiyetiniñ versiyasına köre, 2021 senesi arman ayınıñ 23-ünde (Qırım platforması sammiti olğan kün) qabaatlanğan adamlar, Aqmescit rayonındaki Anğara köyündeki gaz borusında patlayıcı aletni qoyıp, onı bozdılar. Patlama neticesinde köyde gaz teminatı kesildi.
İşğalciler, qardaşlarnıñ faal cemaat faaliyeti, Qırım platforması sammitinde iştirak etken Narman Celâlnen dotlaşqanları sebebinden olarnı tuttılar. Bu, qanunsız tutuvnıñ esas sebebi oldı.
Tutulmadan evel Asan Ahtemov “Avdet” gazetasınıñ jurnalisti, mühbiri ve muarririniñ yardımcısı olıp çalışa edi. Aziz Ahtemov ise elektrik tehnika tamircisi edi. Qardaşlar cemaat erbapları, qırımtatarlarnıñ medeniy ve cemaat yaşayışına bağışlanğan çeşitli aktsiyalarnıñ iştirakçisi ediler.
İşğalciler Aziz Ahtemovnı Qırımdan Rusiyedeki Minusinsk apishanesine zorki etap ettiler. Asan Ahtemovnı ise “Vladimirskiy Tsentral” apishanesine etap ettiler. Bu, siyasiy mabüslerniñ aqrabalarınıñ ala bilgenleri soñ malümattır.
“Ayatımnıñ esas maqsadı, Qırımda yaşamaq ve halqımnıñ inkişafını ve bahtlı olmasını körmektir. Böyle olacağına inanam”, – dep Asan Ahtemov ğürbette yazdı.
Onıñ qardaşı Aziz Ahtemov “makeme oturışı”nda soñ söz aytqanda işğalcilerge “Bizim küçümiz, aqiqatlıqta, halqımıznıñ birliginde ve riayet etkenimiz sözdedir”, dep ayttı.
Olarnı tutqanları, aşlağanları ve qorqutqanlarına baqmadan işğalicler Asan ve Aziz Ahtemovnıñ qarşılığını toqtatamadılar. Qardaşlar Ukrainağa, öz qıymetleri ve printsiplerine sadıqlar. Olar, dayanıqlıq misali ve Qırımnıñ işğaline qarşılıqnıñ devam etkeniniñ isbatlatıcısıdır.