2023 senesinden berli bölgede Herson vilâyet teşkilâtı Ukraina Qırmızı Haç Teşkilâtı, 19 mobil betondan yapılğan sığınaqlarnı qurıp qoydı. Teşkilâtnıñ Facebook saifesinde bu aqqında haber berdiler.

Olar Çornobayivka, Bilozerka, Stanislav, Dariyivka, Herson, Tomına Balka, Sofiyivka, Oleksandrivka, Novovorontsıvka, Hreşçenivka, Osokorivka ve İhğulets meskün yerlerinde quruldı.

Sığınaqlar, ateşler vaqtında vatandaşlarnı silâ parçalarından saqlamağa ve yaralanmamağa yardım etecek. Olarnı qalabalıq yerlerde qoydılar: sağlıq müessiseleri, çarşılar, maşna stantsiyaları, içtimaiy naqliyat turaqları ve memuriy merkezler yanında.

Er bir sığınaqnıñ meydanlığı 10 m², içinde tahminen 10-15 insan buluna bile.