ReNazirligi, Qırımda duşman işğaline qarşılıq köstergen Ukraina vatandaşlarınıñ ikâyelerini yayınlamağa devam ete.

Valid Hersonda doğdı, amma uzun zamandır Qırımda yaşay edi.

2014 senesi yarımada işğal etilgen vaqıt kiçik aynıñ 26-sında adam narazılıq aktsiyasında iştirak etti. Duşman mahsus hızmetleri tarafından tutulıp qapatıldı, işkencelerni yaşadı ve dayandı. Askerniñ sözlerine köre kiçik aynıñ 27-si ve saban ayınıñ 16-sı arasındaki vaqialar tezce ve facialı şekilde keçti: Aqmescitte o kördi ki, arbiy qısımlar bloklandı ve rusiyeniñ ketirgeni “kazaklar” arbiycesine yürdiler.

Ukrainanıñ qıtaviy toprağına köçip kelgen soñ Valid ATO zonasına göñülli olaraq ketti. Adam içün Qırım, tuvğan yeridir. Onı azat etmek içün silâ alıp cenkleşe.

“Qırım” İlovaysk küreşlerinde iştirak etti, Donetsk uçaq limanını mudafaa etti, Piskiden çıqtı.

ATO zonasında hızmet etkeni sebebinden işğal etilgen yarımadada qalğanlarnen munasebetlerini kesip bitirmege mecbur oldı. Çünki tecavuzcılar içün ATO tecribesine saip olğan askerler, eñ büyük duşman ve prioritetli maqsattır.

Endi 2022 senesi kiçik aynıñ 23-ünde Valid bile edi ki, tolu miqyaslı tecavuz başlaycaq ve bunıñ içün o kün ailesini ecnebiy ülkege alıp ketti, kiçik aynıñ 24-ünde saba saat 4te ise Kıyivde edi.

“Qırım”, rusiyeniñ tolu miqyaslı tecavuzınıñ ilk künlerinden Ukrainanı qorçalay. Adamnıñ üç balası olğanına ve ailesinen memleketten ketmege aqqı bar olğanına baqmadan Vatanını qorçalamağa ketti.

Asker, devlet ögünde vazifesini namusnen yapa ve evine, tuvğan Qırımına qaytmaq içün mümkün olğan er şey yapa!