Vitse baş nazir İrına Vereşçuknıñ başlığınen müessiselerarası oturışta bu mesele baqıldı.

Esir etilgenler ve habersiz ğayıp olğan insanlarnıñ çoq ailesiniñ uquqiy yardımğa ihtiyacı bar. Muzakere mevzusı, böyle ailelerge bedava uquqiy yardım berüv meselesi oldı.

Buña köre aşağıdaki insanlarnıñ bedava uquqi yardım ala bilmeleri içün “Bedava uquqiy yardım aqqında” Ukraina Qanunına deñişmeler aqqında laf ettiler:

• mahsus vaziyetlerde ğayıp olğan insanlarnıñ aileleriniñ azaları;
• Ukrainağa qarşı silâlı tecavuz neticesinde şahsiy serbestlikten marum etilgen olaraq tanınğan Ukraina vatandaşlarınıñ aileleriniñ azaları.

“Bu meseleni acelen al etmek müimdir. Ailelerniñ bedava uquqiy yardım ala bilmeleri içün normativ deñişmelerini tüşünip azırlamaq kerek”, – dep vitse baş nazir qayd etti.