Vitse baş nazir İrına Vereşçuknıñ başlığınen keçirilgen müessiselerarası oturışta bu mesele muzakere etildi.

2024 senesi veteranlar ve arbiy areketlerniñ iştirakçileri içün bedava tiş protezlerine dair SNniñ (Sağlıq nazirligi) deñev leyhasına bücetten 750 million grivna ayıracaq. Yaqın kelecekte Ükümet, maqul tibbiy müessiselerge para yollamaq içün maqbul qararnıñ leyhasını baqacaq.

Bundan ğayrı, Ukrain veteran fondunıñ araştırmasınıñ neticelerine köre veteranlarnıñ deyerli 50%-iniñ planlaştırılğan tiş yardımına ihtiyacı bar.

Bunıñ içün Veteranlar meseleleri nazirligi, ayrı Cenk veteranlarınıñ planlaştırılğan tiş programmasını yaratmağa çalışa.

Oturışnıñ iştirakçileri añlaştılar ki, devletten mezkür tiş yardımını almaq imkânı aqqında veteranlarğa daa çoq haber bermek kerek.

“Tişçilik, veteranlarnıñ eñ müim ihtiyaclarından biridir. Olarnıñ bedava tiş yardımını ve tiş protezleri hızmetini ala bilmeleri içün mehanizmlerni azırlap çıqarmalımız”, – dep vitse baş nazir qayd etti.