Deyerli eki sene devamında cenk sebebinden ösmür olğan eki qız anasını köremey ediler. ReNazirligi ve “Bala aqlaqrı içün ukrain ağı” cemaat birleşmesi vaqtınca işğal etilgen Luhans vilâyetinden doğmuş qız qardaşlarını qaytarmağa yardım ettiler. 

Tolu miqyaslı tecavuz başlağan vaqıt olar Luhansk vilâyetiniñ küçük qasabasında qartanası ve qartbabasınen yaşay ediler. Anası ise şeerde çalışa edi. Köy tezce işğal etildi, bunıñ içün qızlarnı birden alıp ketmek imkânı yoq edi.

2022 senesi devamında qızlar, rus programmasına köre mektepte oqumağa mecbur qaldılar. Birazdan işğal akimiyeti qartanası ve qartbabasına tesir etmege başladı. Rus qanunlarına binaen qızlarnı vasiy etmege talap ettiler ve qorquttılar. Amma qızlar anasınen körüşmege ıntıla ediler.

Ve endi olar birlikteler — anasınen ve telükesizliktelerdir. ReNazirligi, “Bala aqlaqrı içün ukrain ağı” cemaat birleşmesi ve “Evge yol” balalarnı qıdıruv ve qaytaruv leyhasınıñ orta ğayretlerinen qızlar qaytarıldı.

Hatırlatamız ki, vaqtınca işğal etilgen ya da rusiye topraqlarına balalarnıñ qanunsız tahliyesiniñ şaatı olsañız, ReNazirliginiñ profil mütehassısı Nataliya Yemetske mıtlaqa haber beriñiz: (050) 562-03-13.

Bundan ğayrı, Milliy malümat bürosınıñ sıcaq hattına telefon etmek mümkün: 16-48.