Bugün Nazirler Kabineti, “Ukrainanıñ mustaqilligi, suvereniteti ve topraq bütünligini qorçalağan ayrı insanlarnıñ tiş protezlerine dair deñev leyhasını yerine ketirüvinen bağlı bazı meseleler” qararını tasdıqladı.

Veteranlar ve arbiy areketler iştirakçileri içün bedava tiş protezleri aqqında laf etemiz.

Şu cümleden, akt leyhasında şu qayd etildi:

• devlet bücetinden paranen veteranlar ve arbiy areketler iştirakçilerine tiş protezleri tibbiy hızmetini berüvi;
• bu deñev leyhasını yerine ketirmek içün devlet bücetinden ayırılğan para qullanuvı yol-yoruğını tasdıqlavı;
• Ukraina Milliy sağlıq hızmetinen añlaşma imzalağan ve litsenziya alğan sağlıq müessiseleri, deñev leyhasında iştirak ete bileler.

Deñev leyhası içün böyle mehanizm, qanunlarda qayd etilgen veteranlar ve arbiy areketler iştirakçileriniñ bedava tiş protezlerine içtimaiy aqqını yerine ketirmege imkân berecek.

Vitse baş nazir İrına Vereşçuknıñ başlığınen keçirilgen aftalıq Veteran siyaseti meseleleri oturışlarında ve müessiselerarası oturışlarda bu mesele çoq kere muzakere etildi.