Lvivde Ukraina-Lehistan Ükümetlerarası Eyyetniñ iqtisadiy işdeşlik meseleleri oturışı keçirildi.

Ukraina eyyetiniñ başı vitse baş nazir İrına Vereşçuk edi. Lehistan eyyetiniñ başı İqtisadiy inkişaf ve tehnologiyalar naziri Kşıştof Getman edi.

İştirakçiler ticaret, energetika, ekologiya, köy hocalığı, naqliyat ve astyapı, kredit ve bergi saasında, mudafaa sanayısında, veteran siyasetinde işbirlik aqqında muzakere ettiler.

İştirakçiler Brodı-Adamovo yermay ketirüv leyhasınıñ yaratıluvı vaziyeti ve şartlarını muzakere ettiler, Ukraina, Lehistan ve diger devletlerniñ energiya telükesizligini quvetleştirmek içün Leyhanıñ müimligini qayd ettiler.

Bundan ğayrı, oturış neticesine köre “Şeğıni” kiriş noqtasını yañartmağa añlaştılar.

İrına Vereşçuk er keske teşekkür bildirdi ve, Eyyetniñ Ukraina ve Lehistan arasıhndaki işbirlikni quvetleştirmek içün meydançıqlardan biri olacağına ümüt etti.

“Oturışımız neticesindeki añlaşmalarımıznıñ yerine ketirileceginden ve bizim devletlerimiz arasında semereli iqtisadiy işbirlikni inkişaf ettireceginden eminim”, – dep vitse baş nazir hulâsa çıqardı.